HISTORIA

HAI MÁIS DE CEN ANOS, NUNHA PEQUENA E HUMILDE VILA, NACÍA O NOSO CLUB

 

 

Hai que remontarse ós primeiros anos do século pasado para coñecer ás orixes do fútbol no noso pobo, cando os barcos ingleses chegaban a Bastiagueiro e os mozos da localidade xogaban cos mariñeiros os primeiros partidos de fútbol na praia.

Dous de aqueles rapaces que practicaban este novo deporte cos ingleses, deciden crear un club de fútbol como nos que eses anos proliferaban na Inglaterra. Son D. Fernando Suárez Martínez e D. José Fraga López, que en 1908 fundan LA UNIÓN CAMPESTRE FÚTBOL CLUB DE MONTROVE, tomando como exemplo as denominacións dos equipos ingleses da época e tan habituais aínda na actualidade como é o United (Unión) e o Country (Campestre) nos equipos das diferente ligas inglesas.

Pero ser tan pioneiros na fundación, provoca que os primeiros partidos do club sexan amistosos, ó non existir ligas ou competicións ás que encamiñar o equipo. Ata moitos anos máis tarde non se crea unha competición na que por fin se poida inscribir ó equipo, xa que en 1932 crease o  Campeonato das Aldeas, un torneo de 20 partidos que 3 anos máis tarde, en 1935, conquistaría de forma brillante a Unión Campestre F.C.

Trala Guerra Civil, o 4 de Novembro de 1940, o club inscríbese na Federación Galega de Fútbol, sendo presidente D. Juan González Parada e secretario D. Fernando Tabeada. Deste modo, ó longo dos anos participa na primeira e segunda división de As Mariñas conseguindo resultados salientables:

 

    •     Subcampeón da primeira división das Mariñas Temporada 1942/43

    •     Campeón da segunda división das Mariñas Temporada 1972/73

    •     Subcampeón da segunda división das Mariñas Temporada 1971/72

    •     Semifinalista da Copa de A Coruña no ano 1946.

    •     Subcampeón do Torneo Concello de Oleiros en tres ocasións.

 

No momento que desaparece a Liga das Mariñas, o club participa na segunda rexional, quedando subcampeón da categoría nos anos 1991, 1992 y 1994.

Na actualidade, a Unión Campestre participa no Grupo 3 da Terceira Autonómica de Galicia, onde na tempada 2013/14 consiguiu un honorífico campeonato de inverno e na tempada 2015/16 quedou nunha meritoria 5ª posición.

Versión para imprimirVersión para imprimir | Mapa del sitio
© Union Campestre F.C.