Blog

Campus de verán 2024

Estando a piques de rematar a tempada, como estes últimos anos xa é costume (e que siga sendo así 😀), informámosvos da posibilidade estival en O Redondo (Montrove). O sexto campus de verán do Unión Campestre xa está aquí.

Cando é o campus?

O campus ten tres quendas:

• • A primeira quenda é do luns 25 de xuño ao venres 28 de xuño.
  • A segunda quenda é do luns 1 de xullo ao venres 5 de xullo.

• A terceira quenda é do luns 8 de xullo ao venres 12 de xullo.

Que horario ten?

A hora de entrada ao campus é as 9h e a de saída ás 14h.

Haberá opción madrugadores.

Onde é?

O campus case na súa totalidade ocorre no campo de fútbol O Redondo, facendo click terás toda a información das instalacións. Algunha das xornadas adoitamos facela na praia de Bastiagueiro ou na de Santa Cristina. Ao inscribirvos e tendo pechadas as actividades informámosvos de todas as actividades que facerán os nen@s durante cada seman.

Quen se pode inscribir?

Todos os nenos e nenas entre 5 e 12 anos que queiran xogar ao fútbol, por suposto, pero tamén facer varias actividades diferentes das que realizan ao longo de todo o ano: gymkanas, concursos de habilidades, talleres, andainas, etc.

Cómo inscribo ao meu fillo/a?

Facendo click aquí atoparedes o formulario de inscrición. Deberedes encher todos os datos e darlle a enviar. Confirmarémosvos a praza a partir do 19 de xuño.

Ata cando teño para inscribilo?

O prazo remata o domingo 20 de xuño, data na que pechamos as inscricións. 

As prazas son limitadas.

Cal é o prezo?

O prezo para os nenos e nenas federados co Unión Campestre é de 80€ unha semana, 140€ dúas semanas e 220€ as tres semanas. 

Para os non federados co Unión Campestre, unha semana ten un custo de 90€, dúas semanas 160€ e tres semanas 240€.

Haberá descontos para irmáns.

Opción madrugadores terá un coste de 20€/semana

Que inclúe este prezo?

Seguro médico, monitores/as titulados/as, a merenda de todos os días, actividades fóra do campo e o pack agasallo de benvida.

Monitores/as

Todos/as son titulados nos graos universitarios europeos de Educación Infantil e Primaria con mención en Educación Física, monitor de lecer e tempo libre ou as titulacións específicas de fútbol recoñecidas pola Real Federación Galega de Fútbol.